هەرچەند سکایپ پێشتر هەوڵی زۆریدا بۆ کڕینی تەکنلۆژیای Gizmo5 ، بەڵام هەوڵەکان بێ ئاکام بوون ، گوگڵ بەهەمان شێوە لەمانگی ١١ دەوە سەرگەرمی کڕینی تەکنلۆژیای "Gizmo5 " بوو ، بەڵام بێ ئەنجام بوو تا دوێنێ ، گوگڵ ئەو هەواڵەی پشتراسکردەوە ، ئەمەش پسپؤڕانی ئایتی بە بەرەنگاربونەوەیەک بە skype هەژماری دەکەن.
"Bradley Horowitz " لە گوگڵ ئەو هەواڵەی پشتڕاسکردەوەو لە لێدوانێکی بۆ ماڵپەڕی eweek.com دەڵێت ، گوگڵ لە ساڵی ئاییندە ٢٠١٠ دا هەڵدەسێت بە جێبەجیکردنی VoIP لە گوگڵ Voice دا ، بەمەش بەکارهێنەرانی Google Voice بواری زیاتری پەیوەندی کردنیان لەیەکە جیاوازەکانەوە دەبێت لەسەر نێت.
وەکو تەلەفۆنکردن ، ناردنی کورتە نامە و بەستنی کۆنفرانس .
شایانی باسە Google Voice لە ئێستادا نزیکەی ١،٤ ملیۆن بەکارهێنەری هەیە ، بەڵام Skype زیاتر لە ٥٠٠ ملیۆن بەکارهێنەری هەیە ، بۆیە گوگڵ تەکنۆلۆژیای Gizmo5 کڕیوە ، بۆ پێشخستنی Google Voice بەهەمان شێوەی سکایپ ، ئەمەش شرۆڤەکەران بە هەڕەشەو بەرەنگاربوونەی Skype هەژماری دەکەن.
سەرچاوە : کوردئاتى گروپ