پرۆگرامە نوێیەکانی مایکرۆسۆفت لەگەڵ Windows XP ناگونجێن.
هەرچەند XP یەکێکە لە ویندۆزە سەرکەوتوەکانی مایکرۆسۆفت و تا ئەمڕۆ بەکارهێنەرێکی زۆری هەیە ، بەڵام بەپێی هەندێک سەرچاوە لەوانە LiveSide.net لە ئایندەیەکی نزیکدا کێشەیان بۆ دروست دەبێت لەگەڵ وەشانی نوێی پرۆگرامەکانی مایکرۆسۆفت.
وەشانی نوێی Windows Media Player 12 لەگەڵ ویندۆز XP دا ناگونجێت ، بۆیە بەکارهێنەرانی دەبێت وەشانە کۆنەکانی میدیا پلەیەر بەکاربەرن و وەشانی نوێی Windows Media Player تەنیا لەگەڵ ویندۆز٧ دەگونجێت.
ماوەیەکی تر وەشانی نوێی Windows Live دەوەشێنرێت کە Messenger, Mail, Movie Maker و پرۆگرامی وێنە لەخۆدەگرێت ، ئەویش بەهەمان شێوە بەکارهێنەرانی XP لێ بێبەش دەبن و بەناچاری دەبێت وەشانی کۆنی Windows Live بەکاربەرن.
وەشانی نوێی Internet Explorer 9 کە ئێستا لەژێر پێشخستندایە بەهەمان شێوە لە Winmdows XP دا کارناکات ، بەڵام Microsoft Office 2010 بە پێچەوانەی پرۆگرامەکانی ترەوە لەگەڵ Windows XP دەگونجێت ، ئەوەش لەبەرئەوەی زۆربەی کارگە و کۆمپانیاکان Windows XP بەکاردەبەن.

سەرچاوە: کورد ئاتى گروپ